Hai semanas que xa chegou a primavera, época que nos fai máis optimistas, os días son máis longos, e incluso algún día virán o sol e maila calor para quedar. Na Agrupación cremos que é boa ocasión para reunírno-los agrupados, coñecernos mellor, compartir e comentar experiencias…, e acabar entonando algunha cantiga.
Para levar a bo fin os propósitos anteriores organizámo-la CEA DE PRIMAVERA, que se celebrará o venres 11 de maio de 2018 ás 22:00h no Restaurante Meigallo (Praza do Ferro, 7, Ourense).
O prezo é de quince euros (15 €) por persoa. O menú téndelo a continuación no cartel da cea.
Os interesados podedes realiza-la inscrición ata as 23:59h do mércores 9 de maio de 2018 enviando un correo electrónico a ajaourense@gmail.com cos vosos datos e co xustificante de ingreso dos 15 € na conta da Agrupación: ES11 2100 6530 7122 0004 7015 (Caixabank).
A cea non é pechada ós membros da Agrupación e podedes vir acompañados por persoas non agrupadas. Nese caso só tendes que indicalo no correo de inscrición e acompaña-lo correspondente xustificante de ingreso bancario.
¡Animádevos!, contamos convosco para pasar un bo rato todos xuntos na Cea de Primavera.
